பாக்ஸ் ஆபிஸ்: GDN திரைப்படம் 2 நாட்களில் உலகளவில் செய்துள்ள வசூல்

மாதவன் நடிப்பில் வெளியான GDN திரைப்படத்தின் 2 நாள் வசூல் குறித்த தகவல் வெளியாகியுள்ளது.

GDN

இந்தியாவின் எடிசன் என அழைக்கப்படும் ஜி.டி. நாய்டுவின் வாழ்க்கையை மையமாக வைத்து உருவாக்கப்பட்ட திரைப்படம் GDN. மாதவன் கதாநாயகனாக நடித்த இப்படத்தை இயக்குநர் கிருஷ்ணகுமார் ராம்குமார் இயக்கியுள்ளார்.

மேலும், துஷாரா விஜயன், சத்யராஜ், ப்ரியாமணி, ஜெயராம், வினய் உள்ளிட்ட பல நட்சத்திரங்கள் இப்படத்தில் நடித்துள்ளனர். 96, மெய்யழகன் போன்ற திரைப்படங்களுக்கு இசையமைத்த இசையமைப்பாளர் கோவிந்த் வசந்த் இப்படத்திற்கு இசையமைத்துள்ளார்.

வசூல் விவரம்

பெரிதும் எதிர்பார்க்கப்பட்டு வெளியான GDN திரைப்படத்திற்கு ரசிகர்கள் மத்தியில் சிறப்பான வரவேற்பு கிடைத்துள்ளது. விமர்சன ரீதியாக நல்ல வரவேற்பை பெற்று வரும் இப்படம், 2 நாட்களில் எவ்வளவு வசூல் செய்துள்ளது என்பது குறித்த தகவல் வெளியாகியுள்ளது.

அதன்படி, 2 நாட்களில் GDN திரைப்படம் உலகளவில் ரூ. 3+ கோடி வசூல் செய்துள்ளது. இனி வரும் நாட்களில் எவ்வளவு வசூல் செய்யும் என்பதை பொறுத்திருந்து பார்ப்போம்.