முடிவுக்கு வந்தது குக் வித் கோமாளி சீசன் 7.. கிராண்ட் பைனல் எப்போது தெரியுமா

விஜய் தொலைக்காட்சியில் ஒளிபரப்பாகி வரும் குக் வித் கோமாளி சீசன் 7 தற்போது முடிவுக்கு வரவுள்ளதாக தகவல் வெளியாகியுள்ளது.

குக் வித் கோமாளி 7

ரசிகர்களின் மனம் கவர்ந்த தொலைக்காட்சி நிகழ்ச்சிகளில் ஒன்று குக் வித் கோமாளி. இந்த நிகழ்ச்சியின் 7-வது சீசன் கடந்த ஏப்ரல் மாதம் தொடங்கியது. ஆனால், வழக்கம்போல் இல்லாமல் இந்த முறை நட்சத்திர ஜோடிகள் போட்டியாளர்களாக களமிறங்கினார்கள்.

9 ஜோடிகள் போட்டியாளர்களாக வந்த நிலையில், இதில் தற்போது 3 ஜோடிகள் மட்டுமே உள்ளனர். இவர்கள் முந்தைய சீசன்களில் போட்டியிட்ட சீனியர்களுடன் போட்டிபோட்டு வருகிறார்கள்.

இறுதிக்கட்டத்தை நோக்கி

இந்நிலையில், குக் வித் கோமாளி இறுதிக்கட்டத்தை எட்டியுள்ளது. இந்த வாரம் அரை இறுதி சுற்று நடைபெறவுள்ளது. இதை தொடர்ந்து ஆகஸ்ட் 30-ஆம் தேதி குக் வித் கோமாளி சீசன் 7-ன் பைனல் நடைபெறும் என தகவல் வெளியாகியுள்ளது.

இத்துடன் சீசன் 7 முடிவுக்கு வரவிருக்கும் நிலையில், ரசிகர்கள் வருத்தத்துடன் சமூக வலைத்தளத்தில் பதிவிட்டு வருகிறார்கள்.