25 வருடங்களுக்கு பிறகு அக்சய் குமாருடன் இணைந்த தபு

சென்னை,

பாலிவுட் திரையுலகில் முன்னணி நடிகர்களில் ஒருவராக இருப்பவர் அக்சய் குமார். இவர், தமிழில் ரஜினியுடன் 2.0 திரைப்படத்தில் நடித்திருந்தார். சமீபத்தில் இவரின் நடிப்பில் ஓஎம்ஜி -2, ‘சர்பிரா’, ‘கேல் கேல் மெய்ன்’ மற்றும் சிங்கம் அகெய்ன் ஆகிய திரைப்படங்கள் வெளியாகின.

மேலும், பாலிவுட் இயக்குனர் பிரியதர்ஷன் இயக்கும் ‘பூத் பங்களா’ படத்திலும் அக்சய் குமார் கதாநாயகனாக நடிக்கிறார். கடைசியாக இருவரும் கடந்த 2007-ம் ஆண்டு வெளியான பூல் பூலையா படத்தில் ஒன்றாக பணியாற்றினர். இதன் மூலம் அக்சய் குமார் 16 வருடங்களுக்கு பிறகு பிரியதர்ஷனுடன் இணைந்துள்ளார்.

இந்நிலையில், இப்படத்தில் நடிகை தபு இணைந்திருக்கிறார். இதற்கு முன்பு கடந்த 2000-ம் ஆண்டு பிரியதர்ஷன் இயக்கத்தில் வெளியான ‘ஹேரா பெரி’ படத்தில் அக்சய் குமாருடன் தபு நடித்திருந்தார். தற்போது 25 வருடங்களுக்கு பிறகு இவர்களுடன் தபு இணைந்திருப்பது அவரது ரசிகர்களுக்கு உற்சாகத்தை கொடுத்துள்ளது. இப்படம் அடுத்த ஆண்டு ஏப்ரல் 2-ம் தேதி வெளியாக உள்ளது.