“சக்தித் திருமகன்” படத்திற்கு 'யு/ஏ' தணிக்கை சான்றிதழ்

சென்னை,

தமிழ் சினிமாவின் முன்னணி நடிகர்களில் ஒருவர் விஜய் ஆண்டனி. இவர் தற்போது தனது 25-வது படமான ‘சக்தித் திருமகன்’ படத்தில் நடித்து முடித்துள்ளார். இந்த படத்தை அவரே தயாரிக்க அருண் பிரபு எழுதி இயக்கியுள்ளார். அருண் பிரபு இயக்கத்தில் இதற்கு முன் அருவி மற்றும் வாழ் போன்ற வெற்றித் திரைப்படங்கள் வெளிவந்தது குறிப்பிடத்தக்கது.

இப்படத்திற்கு தெலுங்கில் ‘பத்ரகாளி’ என பெயர் வைக்கப்பட்டுள்ளது. இந்த படத்தில் த்ரிப்தி கதாநாயகியாக நடித்துள்ளார். அரசியல் கதைக்களத்துடன் உருவாகியுள்ள இப்படம் வருகிற 19-ம் தேதி வெளியாக உள்ளது.

இப்படம் வெளியாக இன்னும் சில நாட்களே உள்ள நிலையில், படக்குழு ‘சக்தித் திருமகன்’ படத்தின் டிரெய்லரை வெளியிட்டுள்ளது. அதனை தொடர்ந்து தணிக்கை குழு சக்தித் திருமகன் படத்திற்கு ‘யு/ஏ’ சான்றிதழ் வழங்கியுள்ளதாக படக்குழு அறிவித்துள்ளது.