4 நாட்களில் சர்தார் 2 திரைப்படம் உலகளவில் செய்துள்ள வசூல்

கார்த்தி நடிப்பில் கடந்த வாரம் திரைக்கு வந்த சர்தார் 2 திரைப்படத்தின் 4 நாட்கள் வசூல் குறித்த தகவல் வெளியாகியுள்ளது.

சர்தார் 2

2022-ல் வெளிவந்த சர்தார் திரைப்படத்தின் வெற்றியை தொடர்ந்து, பெரிதும் எதிர்பார்ப்புடன் கடந்த வாரம் வெளிவந்தது சர்தார் 2. இயக்குநர் பி.எஸ். மித்ரன் இயக்கத்தில் உருவான இப்படத்தில் கார்த்தி மற்றும் எஸ்.ஜே. சூர்யா முதல் முறையாக இணைந்து நடித்துள்ளனர்.

மேலும் மாளவிகா மோகனன், ஆஷிகா ரங்கநாத், ரஜிஷா விஜயன், யோகி பாபு, நிழல்கள் ரவி, ஆஷிஷ் வித்யார்த் ஆகியோர் நடித்துள்ளனர். சாம் சி.எஸ் இப்படத்திற்கு இசையமைத்துள்ளார்.

பாக்ஸ் ஆபிஸ்

பிரம்மாண்ட பட்ஜெட்டில் உருவாகி வெளியான சர்தார் 2, ரசிகர்களிடையே வரவேற்பை பெற தவறிவிட்டது. இதனால் பாக்ஸ் ஆபிஸில் எதிர்பார்த்த வசூல் வரவில்லை. இந்த நிலையில், 4 நாட்களில் சர்தார் 2 உலகளவில் செய்துள்ள வசூல் குறித்த தகவல் வெளியாகியுள்ளது. அதன்படி, இப்படம் 4 நாட்களில் ரூ. 16 கோடி வசூல் செய்துள்ளது. இனி வரும் நாட்களில் எவ்வளவு வசூல் செய்கிறது என்பதை பொறுத்திருந்து பார்ப்போம்.