செங்கல் சூளையில் சிக்கிய பொம்மை உடல்…

கார்த்திகை தீபம்

ZEE தமிழ் தொலைக்காட்சியில் திங்கள் முதல் சனி வரை இரவு 9 மணிக்கு ஒளிபரப்பாகி வரும் ‘கார்த்திகை தீபம்’ சீரியலில், அடுத்தடுத்து நடக்கும் அதிரடி சம்பவங்களால் கதை இப்போது இன்னும் விறுவிறுப்பாக நகர்ந்து வருகிறது.

சாமுண்டீஸ்வரியைக் காப்பாற்றிய கார்த்திக்!

கோயிலில் தனியாக இருக்கும் சாமுண்டீஸ்வரியைக் கொலை செய்ய சிவனாண்டி தனது ஆட்கள் மூலம் திட்டம் போடுகிறார். அதன்படி, அடியாட்கள் சாமுண்டீஸ்வரியை நெருங்கும் நேரத்தில், கார்த்திக் கொடுத்த பார்சல் அவருக்கு நினைவுக்கு வருகிறது. ஏற்கெனவே, “உங்களுக்கு ஏதாவது ஆபத்து வந்தால் இந்தப் பார்சலைத் திறந்து பாருங்கள்” என்று கார்த்திக் சொல்லியிருந்தார்.

உடனே அந்தப் பார்சலைத் திறந்து பார்க்கும் சாமுண்டீஸ்வரிக்கு அதிர்ச்சி காத்திருக்கிறது. அதற்குள் ஒரு துப்பாக்கி இருக்கிறது. அதை எடுத்துக் காட்டி தன்னைத் தாக்க வந்த அடியாட்களை விரட்டியடிக்கிறார். தன்னிடம் கோபமாக இருந்தாலும், தன்னுடைய பாதுகாப்பில் இவ்வளவு அக்கறை காட்டும் கார்த்திக்கை நினைத்து சாமுண்டீஸ்வரி நெகிழ்ந்து போகிறார்.

செங்கல் சூளையில் அரங்கேறும் மர்மச் சதி!

இதற்கிடையில், செங்கல் சூளையில் ஒரு பெரிய சதி அரங்கேறுகிறது. அங்கு ஒரு பொம்மையைப் பிணம் போல தயார் செய்து, அழுகிய உடலைப் போலத் தோன்றும் வகையில் நிலத்திற்குள் புதைத்து வைக்கின்றனர். இதை வைத்து அடுத்தகட்டத் திட்டத்தைச் செயல்படுத்தவும் தயாராகின்றனர்.


மறுநாள் காலையில் அந்தப் பகுதிக்கு வரும் இன்ஸ்பெக்டர் சரவணன், செங்கல் சூளையில் வேலைகளை உடனடியாக நிறுத்தச் சொல்கிறார்.

தொடர்ந்து, அந்த இடத்தைத் தோண்டிப் பார்க்கும்போது அழுகிய நிலையில் ஒரு உடல் கிடைக்கிறது. அதை மீட்டு பிரேதப் பரிசோதனைக்கு அனுப்பவும் உத்தரவிடுகிறார்.


அப்போது, “இந்த செங்கல் சூளை யாருக்குச் சொந்தமானது?” என்று விசாரிக்கிறார். அது சாமுண்டீஸ்வரி பெயரில் இருந்தாலும், தற்போது சந்திரகலாதான் அதை நிர்வகித்து வருகிறார் என்ற தகவல் போலீசாருக்குத் தெரிய வருகிறது.

சந்திரா மஹாலுக்கு வந்த போலீஸ்… சிவனாண்டி அதிரடி கைது!

இதையடுத்து விசாரணையைத் தீவிரப்படுத்தும் இன்ஸ்பெக்டர் சரவணன், நேராக சந்திரா மஹாலுக்குச் செல்கிறார். அங்கு சிவனாண்டியும் சித்தப்பாவும் இருக்கின்றனர்.


அவர்களிடம், “சந்திரகலாவுக்குச் சொந்தமான இடத்தில் ஒரு பிணம் கிடைத்திருக்கிறது.

இந்தக் கொலை வழக்கில் அவரைக் கைது செய்ய வேண்டும்” என்று அதிரடியாகச் சொல்கிறார். ஆனால், சந்திரகலா அங்கு இல்லாததால், வீட்டில் இருந்த சிவனாண்டியை போலீசார் கைது செய்து அழைத்துச் செல்கின்றனர்.


இதற்கிடையில், சித்தப்பா மட்டும் எப்படியோ அங்கிருந்து நழுவி, உடனே சந்திரகலாவுக்குப் போன் செய்து போலீஸ் வந்த விவரத்தையும் சிவனாண்டி கைது செய்யப்பட்டதையும் தெரிவிக்கிறார்.

காவல் நிலையத்தில் பரபரப்பு… கார்த்திக்கிற்குக் கிடைத்த தகவல்!

காவல் நிலையத்திற்கு அழைத்துச் செல்லப்பட்ட சிவனாண்டியிடம், சந்திரகலா எங்கே இருக்கிறார் என்று போலீசார் தொடர்ந்து விசாரிக்கின்றனர். இதற்கிடையில், சந்திரகலாவின் வக்கீலும் அங்கு வந்து, “இடம் யார் பெயரில் இருந்தாலும், சந்திரகலா நேரில் சரணடைந்தால்தான் சட்டப்படி அடுத்தகட்ட நடவடிக்கை எடுக்க முடியும்” என்று ஆலோசனை கூறுகிறார்.

இறுதியாக, செங்கல் சூளையில் பிணம் கிடைத்தது முதல் சிவனாண்டி கைது செய்யப்பட்டது வரை நடந்த எல்லா விஷயங்களையும் இன்ஸ்பெக்டர் சரவணன் கார்த்திக்கிற்குப் போன் செய்து தெரிவிக்கிறார். இதோடு இன்றைய எபிசோடு நிறைவடைகிறது.


சந்திரகலா போலீசில் சிக்குவாரா? செங்கல் சூளையில் நடந்த இந்தச் சதியின் பின்னணி என்ன? கார்த்திக் இந்தப் பிரச்சினையை எப்படி சமாளிக்கப் போகிறார்?

அடுத்தடுத்து என்ன நடக்கப் போகிறது என்பதைத் தெரிந்துகொள்ள, ‘கார்த்திகை தீபம்’ சீரியலை உங்கள் ZEE தமிழ் தொலைக்காட்சியில் காணத் தவறாதீர்கள்!