“ஸ்ட்ரேஞ்சர் திங்ஸ் சீசன் 5” தொடரின் மீதமுள்ள எபிசோட்களின் ரன்டைம் வெளியானது!
சென்னை,
உலகம் முழுவதும் உள்ள ரசிகர்களால் மிகவும் விரும்பிப்பார்க்கப்படும் வெப் தொடர்களில் ஒன்று ‘ஸ்ட்ரேஞ்சர் திங்ஸ்’. இதன் முதல் சீசன் கடந்த 2016-ம் ஆண்டு நெட்பிளிக்ஸ் ஓ.டி.டி தளத்தில் வெளியானது.
இந்த தொடர் உலகளவில் பார்வையாளர்களின் இதயங்களை வென்றதைத்தொடர்ந்து, அடுத்தடுத்த சீசன்கள் வெளியாகின. இதுவரை 4 முழு சீசன்கள் வெளியாகி உள்ளன. கடந்த நவம்பர் மாதம் டான் டிராட்சன்பெர்க் இயக்கிய 5-வது சீசனின் முதல் 4 எபிசோட்டுகள் வெளியாகி வரவேற்பை பெற்றன.
அதனை தொடர்ந்து வருகிற 26ந் தேதி மீதான 4 எபிசோட்டுகள் வெளியாக உள்ளன. இந்த நிலையில், இந்த வெப் சீரிஸின் ரன்டைம் குறித்த அறிவிப்பு வெளியாகி உள்ளது. அதன்படி, 5, 6, 7வது எபிசோட்கள் 1 மணி நேரத்திற்கு குறையாமலும், ஜனவரி 1ல் வெளியாகும் இறுதி எபிசோட் 2 மணி நேரம் 8 நிமிடங்கள் இருக்கும் எனவும் தெரிவிக்கப்பட்டுள்ளது.
