“டியூட்” படம் சூப்பர் டூப்பர் ஹிட் அடிக்கும்- தயாரிப்பாளர் ரவி சங்கர் கொடுத்த ரிவ்யூ | “Dude” will be a super duper hit

சென்னை,

தமிழ் சினிமாவில் ‘கோமாளி’ படத்தின் மூலம் இயக்குனராக அறிமுகமானவர் பிரதீப் ரங்கநாதன். இவரது நடிப்பில் சமீபத்தில் டிராகன் படம் வெளியாகி நல்லவரவேற்பை பெற்றது. அதனை தொடர்ந்து இவர், விக்னேஷ் சிவன் இயக்கத்தில் ‘லவ் இன்ஸுரன்ஸ் கம்பெனி’என்ற படத்தில் நடித்துள்ளார். இப்படம் டிசம்பர் 18ம் தேதி வெளியாகிறது.

அதனை தொடர்ந்து கீர்த்திஸ்வரன் இயக்கத்தில் ‘டியூட்’ படத்திலும் நடித்துள்ளார். மைத்ரீ மூவி மேக்கர்ஸ் தயாரிக்கும் ‘டியூட்’ படத்தில் நாயகியாக மமிதா பைஜு நடித்துள்ளார். இசையமைப்பாளர் சாய் அபயங்கர் இசையமைத்துள்ள இந்தப் படத்தில் சரத் குமார் முக்கிய கதாபாத்திரத்தில் நடித்துள்ளார். முழுவதுமாக காமெடி கலந்த படமாக இப்படம் வரும் 17ம் தேதி வெளியாக உள்ளது.

இந்த நிலையில், ‘டியூட்’ திரைப்படத்தின் டிரெய்லர் வெளியீட்டு விழா நேற்று நடைபெற்றது. அதில் நடிகை மமிதா பைஜுவை தவற படக்குழுவினர்கள் அனைவரும் கலந்து கொண்டனர். அந்த விழாவில், டியூட் பட தயாரிப்பாளர் ரவி சங்கர் படத்திற்கான ரிவ்யூ கொடுத்துள்ளார். அதாவது, “நான் இந்தப் படத்தைப் பார்த்தேன், இது அசாதாரணமாக இருந்தது. இப்படம் சூப்பர் டூப்பர் ஹிட்டாகும் என்று நான் மிகவும் நம்புகிறேன். டிரெய்லரைத் தவிர இதில் பல திருப்பங்கள் உள்ளன. அதனை நீங்கள் அதிகபட்சமாக ரசிப்பீர்கள். தயாரிப்பாளர், விநியோகஸ்தர் மற்றும் ரசிகர்கள் என அனைவரும் இந்தப் படத்தை பார்த்து மகிழ்ச்சியடைவார்கள்” என்று கூறியுள்ளார்.