ஷ்ரத்தா ஸ்ரீநாத்தின் “தி கேம்” வெப் சீரிஸ் டிரெய்லர் வெளியீடு

தமிழ், தெலுங்கு, கன்னடம் உள்ளிட்ட மொழி திரைப்படங்களில் நடித்து முன்னணி நடிகையாக வலம் வருபவர் ஷ்ரத்தா ஸ்ரீநாத். இவர் தமிழில், விக்ரம் வேதா, நேர்கொண்ட பார்வை, மாறா, இறுகப்பற்று உள்ளிட்ட படங்களில் நடித்துள்ளார். இவர் தற்போது , மிஸ்ட்ரி திரில்லர் கதையில் உருவாகியுள்ள வெப் சீரிஸில் நடிகை ஷ்ரத்தா ஸ்ரீநாத் நடித்துள்ளார். இதற்கு ‘தி கேம்: யு நெவெர் பிலே அலோன்’ என்ற டைட்டில் வைக்கப்பட்டுள்ளது. இதில் ஷ்ரத்தா ஸ்ரீநாத் உடன் சாந்தோஷ் பிரதாப், சந்தினி, சயமா ஹரிணி, பாலா ஹசன், சுபாஷ் செல்வம், விவியா சாந்த், தீராஜ் மற்றும் ஹேமா முக்கிய கதாபாத்திரங்களில் நடித்துள்ளனர்.

இந்த வெப் சீரிஸை தீப்தி கோவிந்தராஜன் எழுத்தில் ராஜேஷ் எம் செல்வா இயக்கியுள்ளார். இதில் ஷ்ரத்தா ஸ்ரீநாத் ஒரு பெண் கேம் டெவலப்பர் கதாபாத்திரத்தில் நடித்துள்ளார். அவர் எதிர்கொள்ளும் மர்மமான டிஜிட்டல் தாக்குதலை கண்டறியும் முயற்சி தான் தொடரின் முக்கிய அம்சம்.

இந்நிலையில், நடிகை ஷ்ரத்தா ஸ்ரீநாத் நடித்துள்ள ‘தி கேம்’ வெப் சீரிஸின் டிரெய்லர் வெளியாகியுள்ளது. இந்த வெப் சீரிஸ் தொடர் வருகிற அக்டோபர் 2ந் தேதி நெட்பிளிக்ஸ் ஓடிடியில் வெளியாக உள்ளது.