21 நாட்களில் தமிழ்நாட்டில் ஜனநாயகன் திரைப்படம் செய்துள்ள வசூல்.. முழு விவரம் இதோ

தமிழ் சினிமாவின் உச்ச நட்சத்திரமான விஜய் நடிப்பில் சமீபத்தில் வெளிவந்த ஜனநாயகன் திரைப்படம் தமிழ்நாட்டில் 21 நாட்களில் எவ்வளவு வசூல் செய்துள்ளது என்பதை பார்க்கலாம் வாங்க.

ஜனநாயகன்

2026-ஆம் ஆண்டு தமிழ் சினிமா ரசிகர்களால் மிகப்பெரிய அளவில் எதிர்பார்க்கப்பட்ட திரைப்படம் ஜனநாயகன். விஜய் அரசியலுக்கு சென்றுவிட்டார், அவருடைய கடைசி படம் இது என்பதால், திருவிழா போல் இப்படத்தை கொண்டாட அனைவரும் காத்திருந்தனர்.

ஆனால், ஜனவரி மாதம் இப்படம் வெளிவராதது மிகப்பெரிய ஏமாற்றத்தை தந்தது.

6 மாதங்களுக்கு பின் பல பிரச்சனைகளையும், தடைகளையும் தாண்டி கடந்த ஜூலை 23-ஆம் தேதி ஜனநாயகன் வெளியானது. எதிர்பார்த்த அளவிற்கு தமிழ்நாட்டில் இப்படம் வசூல் செய்யவில்லை என்றாலும், திருட்டுத்தனமாக லீக் ஆகி 1.2 கோடி பேர் பார்த்த திரைப்படத்திற்கு இவ்வளவு பெரிய வரவேற்பா என அனைவரையும் வியக்க வைத்தது.

தமிழ்நாடு

பாக்ஸ் ஆபிஸ்

முதல் நாளிலிருந்தே ஜனநாயகன் தமிழ்நாடு பாக்ஸ் ஆபிஸ் குறித்த வசூலை தொடர்ந்து பார்த்து வருகிறோம். இந்நிலையில், 21 நாட்களில் இப்படம் தமிழ்நாட்டில் எவ்வளவு வசூலித்துள்ளது என்பது குறித்த தகவல் வெளியாகியுள்ளது.

அதன்படி, இப்படம் 21 நாட்களில் ரூ. 145 கோடி வசூல் செய்துள்ளது. இனி வரும் நாட்களில் எவ்வளவு வசூல் செய்யும், இப்படத்தின் இறுதி வசூல் தமிழ்நாட்டில் எவ்வளவு வரும் என்பதையெல்லாம் பொறுத்திருந்து பார்ப்போம்.