‘மிஷன் இம்பாசிபள்’ முதல் ‘தலைவன் தலைவி’ வரை… இந்த வாரம் ஓடிடி ரிலீஸ்

திரையுலகில் ஒவ்வொரு வாரமும் பல புதிய படங்கள் ரிலீசாகி வருகின்றன. கடந்த சில ஆண்டுகளில் ஓ.டி.டி. தளங்கள் அதிக பிரபலம் அடைந்துள்ளதை அடுத்து, பல படங்கள் ஓ.டி.டி.யில் வெளியிடப்பட்டு வருகின்றன. திரையரங்குகளை போலவே ஓ.டி.டி. தளங்களிலும் ஏராளமான படங்கள் வெளியாகி வருகின்றன. அந்த வகையில், இந்த வாரம் எந்த திரைப்படங்கள் மற்றும் தொடர்கள் எந்தெந்த ஓ.டி.டி தளங்களில் வெளியாகி உள்ளன என்பதைக் காணலாம்.

‘மிஷன்: இம்பாசிபள் தி பைனல் ரெக்கனிங்’

சீக்ரட் ஏஜண்டாக டாம் குரூஸ் நடிப்பில் கடந்த மே மாதம் வெளியான படம் ‘மிஷன்: இம்பாசிபள் தி பைனல் ரெக்கனிங்’. இதில், ஹெய்லி அட்வெல், விங் ரேம்ஸ், சைமன் பெக், ரெபேக்கா பெர்குசன், வனேசா கிர்பி, ஈசாய் மோரல்ஸ் உள்ளிட்டோரும் நடித்துள்ளனர். கிறிஸ்டோபர் மெக்குவாரி இயக்கிய இப்படம் கடந்த 19ந் தேதி அமேசான் பிரைம் ஓடிடி தளத்தில் வெளியாகி உள்ளது.

‘ஹரி ஹர வீர மல்லு’

ஜோதி கிருஷ்ணா இயக்கத்தில், கீரவாணி இசையமைப்பில், பவன் கல்யாண் நடிப்பில் கடந்த மாதம் “ஹரி ஹர வீர மல்லு” படம் வெளியானது. இதில் கதாநாயகியாக நிதி அகர்வால் நடித்துள்ளார். மேலும், ரகு பாபு, சச்சின் கெடேகர், வெண்ணிலா கிஷோர், பாபி தியோல் மற்றும் மறைந்த கோட்டா ஸ்ரீனிவாச ராவ் ஆகியோர் நடித்துள்ளனர். இப்படம் நேற்று அமேசான் பிரைம் ஓடிடி தளத்தில் வெளியாகி உள்ளது.

‘மாரீசன்’

வடிவேலு மற்றும் பகத் பாசில் கூட்டணியில் கடந்த ஜூலை மாதம் வெளியான படம் ‘மாரீசன்’. இந்த படத்தை மலையாள இயக்குநர் சுதீஷ் சங்கர் இயக்கி உள்ளார். இப்படம் நாளை நெட்பிளிக்ஸ் மற்றும் சிம்பிலி சவுத் ஆகிய ஓடிடி தளங்களில் வெளியாக உள்ளது.

‘எப்1’

டாப் கன் மேவ்ரிக் படத்தை இயக்கிய ஜோசப் கொசின்ஸ்கி அடுத்ததாக பிராட் பிட் நடிப்பில் ‘எப்1’ படத்தை இயக்கினார். மிகப்பெரிய வரவேற்பை பெற்ற இத்திரைப்படம் வசூலில் பட்டையை கிளப்பியது. கார் பந்தயம் தொடர்பான கதைக்களத்தில் உருவான இப்படம் நாளை அமேசான் பிரைம் வீடியோ ஓடிடி தளத்தில் வெளியாக உள்ளது.

‘கோதப்பள்ளிலோ ஒகப்புடு’

ராணா டகுபதி தயாரிப்பில் உருவான கிராமப்புற நையாண்டி படம் கோதப்பள்ளிலோ ஒகப்புடு. மனோஜ் சந்திரா முக்கிய வேடத்தில் நடித்துள்ள இப்படம் நாளை ஆஹா ஓடிடி தளத்தில் வெளியாக உள்ளது.

‘பேரன்பும் பெருங்கோபமும்’

பிரபல ஒளிப்பதிவாளரும், இயக்குனருமான தங்கர் பச்சானின் மகன் விஜித் பச்சான் கதாநாயகனாக நடித்திருக்கும் படம், ‘பேரன்பும் பெருங்கோபமும்’. இதில், அவருக்கு ஜோடியாக ஷாலி நிவேகாஸ் நடித்துள்ளார். இந்த படத்தினை அறிமுக இயக்குனர் சிவபிரகாஷ் இயக்கியுள்ளார். இப்படம் நாளை ஆஹா தமிழ் ஓடிடி தளத்தில் வெளியாக உள்ளது.

‘தலைவன் தலைவி’

இயக்குனர் பாண்டிராஜ் இயக்கத்தில் நடிகர் விஜய் சேதுபதி, நடிகை நித்யா மேனன் நடிப்பில் கடந்த மாதம் வெளியான படம் ‘தலைவன் தலைவி’. கணவன் – மனைவி உறவுச் சிக்கல்களை மையமாகக் கொண்டு உருவான இத்திரைப்படம் நாளை அமேசான் பிரைம் ஓடிடியில் வெளியாக உள்ளது.