71வது திரைப்பட விருதுகள் அறிவிப்பு: 3 திரைப்பட விருதுகளை வென்ற "பார்க்கிங்"

அறிமுக இயக்குநர் ராம்குமார் பாலகிருஷ்ணன் இயக்கத்தில் ஹரிஷ் கல்யாண் நடிப்பில் வெளியான கடந்த 2023-ம் ஆண்டு திரையரங்குகளில் வெளியான படம் ‘பார்க்கிங்’. இதில் ஹரிஷ் கல்யாணுக்கு ஜோடியாக இந்துஜா நடித்துள்ளார். மேலும் எம் எஸ் பாஸ்கர், பிரார்த்தனா நாதன் மற்றும் பலர் இந்த படத்தில் நடித்திருந்தனர்.படத்துக்கு சாம் சி.எஸ். இசையமைத்தார்.

திரில்லர் டிராமாவான இந்த திரைப்படத்தை ‘பலூன்’ பட இயக்குனர் கே.எஸ்.சினிஷ், சோல்ஜர்ஸ் பேக்டரி சார்பில் தயாரித்துள்ளார். மேலும் பேஷன் ஸ்டுடியோஸ் இணைந்து தயாரித்துள்ளது. படம் வெளியாகி ரசிகர்களிடையே நல்ல வரவேற்பை பெற்றது. வாடகை வீட்டில் இருக்கும் ஒருவருக்கும், வீட்டு உரிமையாளருக்கும் இடையில் காரை பார்க் செய்வது தொடர்பாக எழும் மோதல்களே படத்தின் கதை.

பார்க்கிங் திரைப்படம் 5 மொழிகளில் ரீமேக் செய்யப்பட்டுள்ளது. 4 இந்திய மொழிகளிலும் ஒரு சர்வதேச மொழியிலும் இத்திரைப்படம் ரீமேக் ஆகியுள்ளது.

இந்நிலையில், 2023ம் ஆண்டுக்கான சிறந்த தமிழ் படமாக ‘பார்க்கிங்’ படம் தேர்வு செய்யப்பட்டுள்ளது.