ஹரி ஹர வீரமல்லு படம் : பவன் கல்யாண் குரலில் வெளியாகும் பாடல்

சென்னை,

பவர் ஸ்டார் பவன் கல்யாண் அரசியல்வாதியும், தெலுங்கு சினிமாவின் முன்னனி நடிகரும் ஆவார். ‘அக்கட அம்மாயி இக்கட அப்பா’ என்ற திரைப்படத்தில் நடிகராக அறிமுகமானார். பின்னர் இவர் நடித்த படங்கள் தொடர்ச்சியாக பிளாக்பஸ்டர் படங்களாக அமைந்தன. எனவே தெலுங்கு சினிமாவில் இவர் தனக்கென ரசிகர் பட்டாளத்தைக் கொண்டுள்ளார்.

இவர் தற்போது ஹரி ஹர வீர மல்லு என்ற படத்தில் நடித்து முடித்துள்ளார். கிரிஷ் மற்றும் ஜோதி கிருஷ்ணா இயக்கி உள்ள இந்த படத்திற்கு கீரவாணி இசை அமைத்திருக்கிறார். இப்படத்தில் நாயகியாக நிதி அகர்வால் நடித்துள்ளார். இந்த ஹரி ஹர வீரமல்லு படத்தை ஏ.எம்.ரத்னம் தயாரித்துள்ளார். தெலுங்கு திரைப்படமாக உருவாகும் இப்படம் டப்பிங் செய்யப்பட்டு தமிழ், தெலுங்கு, இந்தி, மலையாளம் மற்றும் கன்னட மொழியில் ஒரு பான் இந்தியா படமாக வெளியாக உள்ளது.

இந்த படத்தில் இடம் பெற்றுள்ள ‘மாத வினாலி’ என்று தொடங்கும் முதல் பாடலை நடிகர் பவன் கல்யாண் பின்னணி பாடியுள்ளார். இந்த முதல் பாடல் வருகிற 6ம் தேதி (நாளை) காலை 9 மணிக்கு வெளியாகும் என்று அறிவிக்கப்பட்டுள்ளது. இப்படம் வருகிற மார்ச் மாதம் 28 தேதி வெளியாக உள்ளது என்பது குறிப்பிடத்தக்கது.