பிரபாஸ் – இமான்வி படத்தில் ஆலியா பட்?
ஐதராபாத்,
சீதா ராமம் பட இயக்குனர் ஹனு ராகவபுடி இயக்கத்தில் பிரபாஸ் தனது அடுத்த படத்தில் நடித்து வருகிறார். மைத்ரி மூவி மேக்கர்ஸ் தயாரிக்கும் இப்படத்திற்கு விஷால் சந்திரசேகர் இசையமைக்கிறார். பிரபாஸுக்கு ஜோடியாக இன்ஸ்டா பிரபலம் இமான்வி நடிக்கிறார். இது இவரது அறிமுக படமாகும்.
படத்தின் படப்பிடிப்பு தற்போது ஐதராபாத்தில் நடைபெற்று வருகிறது. இந்நிலையில், இப்படத்தில் பிரபல பாலிவுட் நடிகை ஆலியா பட் சிறப்பு தோற்றத்தில் நடிக்க உள்ளதாக தகவல் வெளியாகி உள்ளது. ஏற்கனவே இப்படத்தில் சாய்பல்லவி நடிப்பதாக கூறப்படும்நிலையில், ஆலியா பட்டும் இணைந்திருப்பதாக வெளியாகி இருக்கும் தகவல் படத்தின் மீதான எதிர்பார்ப்பை அதிகரித்திருக்கிறது.
சமீபத்தில், பிரபல பாலிவுட் நடிகர் அனுபம் கெர் இப்படத்தில் இணைந்திருந்தார். இது அவருடை மூன்றாவது தெலுங்குப் படமும் 544-வது படமுமாகும்.
