பட தோல்வியால் சம்பளத்தை குறைத்தாரா ராம் சரண்?

சென்னை,

தெலுங்கு சினிமாவில் முன்னணி நடிகராக வலம் வருபவர் ராம் சரண். இவர் ‘ஆர் ஆர் ஆர்’ படத்தை தொடர்ந்து, சங்கர் இயக்கத்தில் ‘கேம் சேஞ்சர்’ படத்தில் நடித்திருந்தார். கியாரா அத்வானி கதாநாயகியாக நடித்திருந்த இப்படத்தில், எஸ்.ஜே.சூர்யா வில்லனாக நடித்து இருந்தார்.

இப்படம் சுமார் ரூ.450 கோடி பட்ஜெட்டில் எடுக்கப்பட்டதாக ஏற்கனவே தயாரிப்பாளர் தில்ராஜு தெரிவித்து இருந்தார். ஆனால் இப்படம் பாக்ஸ் ஆபீஸில் அந்த அளவுக்கு வசூல் ஈட்டவில்லை. இதனால், இப்படம் நஷ்டத்தை ஏற்படுத்தி இருப்பதாக கூறப்படுகிறது.

இதையடுத்து ராம்சரண் நஷ்டத்தை ஈடுகட்ட தில்ராஜு தயாரிக்கும் அடுத்த படத்தில் தனது சம்பளத்தை குறைக்க முடிவெடுத்திருப்பதாக தகவல் வெளியாகி இருக்கிறது.