”நான் அப்படி சொல்லவே இல்லை” – வதந்திக்கு நடிகை கல்யாணி பிரியதர்ஷன் பதில் |Kalyani priyadarshan trashes post claiming her parents sent her orphanage

சென்னை,

சினிமா நட்சத்திரங்களைப் பற்றி பல்வேறு வதந்திகள் பரப்பப்பட்டு வருகின்றன. அவர்களின் படங்களுடன், தனிப்பட்ட விஷயங்கள் குறித்தும் கிசுகிசுக்கள் பரவுகின்றன. இருப்பினும், பலர் அவற்றில் அதிக கவனம் செலுத்துவதில்லை. தேவைப்பட்டால் மட்டுமே பதிலளிப்பார்கள்.

இருப்பினும், அவர்கள் குறித்து ஒரு பொய் உண்மை என பரவும்போது உடனடியாக அதை மறுக்கிறார்கள். சமீபத்தில், நடிகை கல்யாணி பிரியதர்ஷனும் அதையே செய்தார். தான் கூறியதாக ஊடகங்களில் பரவும் ஒரு வதந்தியை அவர் கடுமையாக மறுத்துள்ளார்.

சமீபத்தில், வாழ்க்கை என்றால் என்ன என்பதைக் உணரவைக்க , தனது பெற்றோர் தன்னையும் தனது சகோதரனையும் ஒரு வாரம் வியட்நாமில் உள்ள ஒரு அனாதை இல்லத்தில் விட்டுச் சென்றதாக கல்யாணி கூறியதாக ஒரு ஊடகம் செய்தி வெளியிட்டது.

இது குறித்து தெரிந்துகொண்ட கல்யாணி அதை கடுமையாகக் கண்டித்தார். தான் இதுபோன்ற விஷயங்களை ஒருபோதும் கூறியதில்லை என்றும், அது நடக்கவும் இல்லை என்றும் கூறினார். இனி இதுபோன்ற கருத்துகளைத் பரப்ப வேண்டாம் என்றும் கேட்டுக் கொண்டார்.

பிரபல இயக்குனர் பிரியதர்ஷனின் மகள் கல்யாணி. ‘ஹலோ’ படத்தின் மூலம் சினிமாவில் அறிமுகமான இவர், தமிழில் ஹீரோ, மாநாடு உள்ளிட்ட படங்களில் நடித்திருக்கிறார்.

சமீபத்தில் இவர் நடித்த ”லோகா” படம் பிளாக்பஸ்டர் ஹிட்டானது. ஆகஸ்ட் 28 அன்று வெளியான இந்தப் படம், இதுவரை ரூ. 270 கோடிக்கு மேல் வசூலித்துள்ளது. மலையாளத்தில் அதிக வசூல் செய்த படமாக இது மாறியுள்ளது.