நடிகர் மதன் பாப் மறைவு – இன்று மாலை இறுதிச்சடங்கு |Actor Madhan Bob passes away

சென்னை,

நகைச்சுவை நடிகர் மதன் பாப் உடல்நலக்குறைவால் நேற்று மாலை 5 மணியளவில் உயிரிழந்தார். தற்போது அவரது உடல் திருவான்மியூரில் உள்ள இல்லத்தில் அஞ்சலிக்காக வைக்கப்பட்டுள்ளது. திரை பிரபலங்கள் அவரது உடலுக்கு அஞ்சலி செலுத்தி வருகின்றனர். இன்று மாலை பெசன்ட் நகர் மின் மயானத்தில் அவரது இறுதிச்சடங்கு நடைபெறுகிறது .

தமிழ்,மலையாளம்,தெலுங்கு உள்ளிட்ட மொழிகளில் 100 க்கும் மேற்பட்ட படங்களில் நடித்துள்ள மதன்பாப் தனது தனித்துவமான சிரிப்பின் மூலம் ரசிகர்களை சிரிக்க வைத்தார்.

சென்னையில் 1953 -ம் ஆண்டு பிறந்த நடிகர் மதன்பாப்பின் இயற்பெயர் கிருஷ்ணமூர்த்தி ஆகும். தேவர் மகன், பிரண்ட்ஸ், வில்லன் உள்ளிட்ட பல்வேறு படங்களில் நடித்துள்ளார். புற்று நோய் பாதிப்பால் சிகிச்சை பெற்று வந்த மதன்பாப் சிகிச்சை பலனின்றி நேற்று மாலை 5 மணியளவில் உயிரிழந்தார்.