சபரிமலை அய்யப்பன் கோவில் தங்கத்தை வைத்து பிரபல நடிகர் வீட்டில் பூஜை?
சென்னை,
சபரிமலை துவாரபாலகர் சிலையின் தங்க கவசத்திலிருந்து 4 கிலோ தங்கம் மாயமானதாக புகார் எழுந்த நிலையில், கடந்த 2019-இல் நடிகர் ஜெயராமன் வீட்டில் சபரிமலை தங்கத்தகடு பலகைகளுக்கு பூஜை நடைபெற்றது தெரியவந்துள்ளது.
துவாரபாலகர் சிலை மற்றும் பீடங்களின் தங்க முலாம் பூசிய கவசத்தை பராமரிப்பு பணிக்காக கோவில் முன்னாள் ஊழியர் உன்னிகிருஷ்ணன் போற்றி சென்னைக்கு கொண்டு சென்றபோது அதில் 4 கிலோ தங்கம் மாயமானதாக அண்மையில் புகார் எழுந்தது.
இந்த நிலையில், சபரிமலை முகப்பில் உள்ள தங்கத்தகடு பலகைகளை 2019-இல் செல்வந்தர்களின் வீடுகளுக்கு உன்னிகிருஷ்ணன் போற்றி எடுத்துச் சென்று காணிக்கை வசூலித்த போது நடிகர் ஜெயராமன் வீட்டுக்கும் எடுத்து சென்றது தெரியவந்துள்ளது.
