குட் பேட் அக்லி படம் : திரிஷாவின் கதாபாத்திர அறிமுக வீடியோ வெளியானது

சென்னை,

தமிழ் சினிமாவின் முன்னணி நடிகரான அஜித் தனது 63-வது படமான ‘குட் பேட் அக்லி’ படத்தில் நடித்து முடித்துள்ளார். இப்படத்தை ஆதிக் ரவிச்சந்திரன் இயக்கியுள்ளார். இந்த படத்தில் அஜித்துடன் இணைந்து திரிஷா, பிரசன்னா, சுனில், அர்ஜுன் தாஸ், பிரபு உள்ளிட்ட பலரும் முக்கிய கதாபாத்திரங்களில் நடித்து வருகின்றனர்.

மைத்ரி மூவி மேக்கர்ஸ் நிறுவனம் தயாரிக்கும் இந்த படத்திற்கு இசையமைப்பாளர் ஜி.வி பிரகாஷ் இசையமைக்கிறார். இந்த படத்தின் பர்ஸ்ட் லுக் மற்றும் செகண்ட் லுக் போஸ்டர் வெளியாகி வைரலானது. இப்படம் வருகிற ஏப்ரல் 10-ம் தேதி வெளியாக உள்ளது. தற்போது பின்னணி வேலைகள் நடைபெற்று வருகின்றன.

இந்த நிலையில், படத்தின் அப்டேட் இன்று மாலை வெளியாகும் படக்குழு அறிவித்திருந்தது. ஆனால் தொழில் நுட்ப கோளாறு காரணமாக அப்டேட் வெளியீட்டில் தாமதம் ஏற்பட்டது. இந்த நிலையில், தற்போது நடிகை திரிஷாவின் கதாபாத்திர அறிமுக வீடியோ ஒன்றை படக்குழு வெளியிட்டுள்ளது. அதன்படி, இப்படத்தில் திரிஷா ‘ரம்யா’ என்ற கதாபாத்திரத்தில் நடித்துள்ளார் என்பதை தெரிவித்துள்ளது.