அனஸ்வராவின் ’சாம்பியன்’…புதிய பாடல் புரோமோ வெளியீடு

சென்னை,

மகாநதி, சீதா ராமம் போன்ற கிளாசிக் படங்களை தயாரித்த ஸ்வப்னா சினிமா தற்போது ஸ்ரீகாந்தின் மகன் ரோஷன் நடிப்பில் ’சாம்பியன்’ என்ற படத்தைத் தயாரித்து வருகிறது.

இதில் , கதாநாயகியாக மலையாள நடிகை அனஸ்வரா நடிக்கிறார். இதன் மூலம் அவர் தெலுங்கில் அறிமுகமாகிறார். இப்படத்தில் அவர் சந்திரகலா என்ற கதாபாத்திரத்தில் நடிக்கிறார். இப்படம் வருகிற 25-ம் தேதி திரைக்கு வருகிறது.

சமீபத்தில் இப்படத்திலிருந்து ’கிரா கிரா ஜிங்கிராகிரே’ பாடல் வெளியானது. இந்நிலையில், இப்படத்தின் 2-வது பாடலான ‘சல்லங்குண்டாலே’-வின் புரோமோ வெளியாகி இருக்கிறது. முழு பாடல் நாளை வெளியாகிறது. தேசிய விருது பெற்ற திரைப்பட இயக்குநர் பிரதீப் அத்வைதம் இயக்கும் இப்படத்திற்கு மிக்கி ஜே மேயர் இசையமைத்துள்ளார்.