அடுத்த ரேஸுக்கு தயார் – செல்பி வீடியோ வெளியிட்ட அஜித்

நடிகர் அஜித் நடித்து, மகிழ்திருமேனி இயக்கத்தில் உருவாகியுள்ள ‘விடாமுயற்சி’ திரைப்படம் நேற்று உலகம் முழுவதும் உள்ள திரையரங்குகளில் வெளியானது.

‘விடாமுயற்சி’ படம் வெளியான முதல் நாளில் தமிழ்நாட்டில் மட்டும் ரூ.25 கோடி வசூல் செய்துள்ளதாக தகவல் வெளியாகி உள்ளது.

துபாயில் நடந்த 24ஹெச் சீரிஸ் கார் பந்தயத்தில் ‘அஜித் குமார் ரேசிங் அணி’ மூன்றாவது இடம் பிடித்து அசத்தியது. தனது அணி மூன்றாவது இடம்பிடித்த நிலையில், நடிகர் அஜித் குமார், இந்திய தேசியக் கொடியுடன் வலம் வந்து மகிழ்ச்சியை வெளிப்படுத்தினார். இவரது வெற்றிக்கு ரசிகர்கள், திரைத்துறையை சேர்ந்த பலரும் வாழ்த்து தெரிவித்தனர். பின்னர் நடிகர் அஜித்குமார் அடுத்ததாக தெற்கு ஐரோப்பிய போர்ஷே ஸ்பிரிண்ட் தொடர் 2025 ரேஸில் பங்கேற்றார். ஐரோப்பாவில் நடைபெறும் போர்ஷே ஸ்ப்ரிண்ட் தொடரின் தகுதி சுற்றில் 1.41 நிமிடத்தில் லேப்சை நடிகர் அஜித் குமார் நிறைவு செய்தார். இதன்மூலம், கார் ரேஸின் முதல் தகுதி சுற்றில் நடிகர் அஜித்குமார் தேர்வானார்.

அஜித் தற்பொழுது அவரது ரேசிங் பயிற்சிக்காக போர்சுகலில் உள்ளார். அவர் குழுவுடன் எடுத்துக்கொண்ட செல்பி வீடியோவை இணையத்தில் பகிர்ந்துள்ளார். இந்த வீடியோ இணையத்தில் தற்பொழுது வைரலாகி வருகிறது.