அடுத்த படம்…பிரபல நடிகருக்கு ஜோடியாகும் மீனாட்சி சவுத்ரி?

சென்னை,

தமிழில் விஜய் ஆண்டனியின் ‘கொலை’ படம் மூலம் அறிமுகமான மீனாட்சி சவுத்ரி, கடந்த ஆண்டு ஆர்.ஜே.பாலாஜியின் ‘சிங்கப்பூர் சலூன்’ விஜய்யின் ‘தி கோட்’ , துல்கர் சல்மானுடன் லக்கி பாஸ்கர் , வருன் தேஜுடன் ‘மட்கா’ ஆகிய படங்களில் நடித்து பாராட்டை பெற்றார்.

சமீபத்தில் பொங்கல் பண்டிகையை முன்னிட்டு ‘சங்கராந்திகி வஸ்துன்னம் ‘ படத்தில் நடித்திருந்தார். இப்படம் மிகப்பெரிய வசூல் சாதனை படைத்தது. இப்படத்தைத்தொடர்ந்து, நவீன் பொலிஷெட்டியுடன் ‘அனகனக ஓக ராஜு’ படத்தில் நடித்து வருகிறார்.

இந்நிலையில், மீனாட்சி சவுத்ரியின் அடுத்த படம் குறித்த தகவல் வெளியாகி இருக்கிறது. அதன்படி, நாக சைதன்யாவின் 24-வது படத்தில் மீனாட்சி இணைந்துள்ளதாக கூறப்படுகிறது. விரைவில் இது குறித்த அதிகாரபூர்வ அறிவிப்பு வெளியாகும் என்று எதிர்பார்க்கப்படுகிறது.

கார்த்திக் தண்டு இயக்க உள்ள இப்படத்தை ஸ்ரீ வெங்கடேஸ்வரா சினி சித்ரா மற்றும் புஷ்பா பட இயக்குனரின் சுகுமார் ரைட்டிங்ஸ் இணைந்து தயாரிகின்றது.