நயன்தாரா இல்லை, ரஜினியின் ஜெயிலர் 2 படத்தில் இணைந்த பிரபல நடிகை.. மாஸ் அப்டேட்

ஜெயிலர் 2

சூப்பர் ஸ்டார் ரஜினிகாந்தின் கேரியரில் அதிக வசூல் செய்த திரைப்படமாக ஜெயிலர் வலம் வருகிறது. கடந்த 2023ஆம் ஆண்டு வெளிவந்த இப்படத்தை இயக்குனர் நெல்சன் திலீப்குமார் இயக்கியிருந்தார்.

சன் பிக்சர்ஸ் நிறுவனம் தயாரிப்பில் உருவான இப்படத்திற்கு அனிருத் இசையமைத்திருந்தார். மேலும் இப்படத்தில் ரஜினியுடன் இணைந்து ரம்யா கிருஷ்ணன், வசந்த் ரவி, விநாயகன், சிவராஜ்குமார், மோகன்லால், ஜாக்கி ஷ்ராஃப் ஆகியோர் நடித்திருந்தனர்.

இப்படம் ரசிகர்கள் மத்தியில் நல்ல வரவேற்பை பெற்று வசூலில் சாதனை படைத்தது. முதல் பாகத்தின் வெற்றியை முன்னிட்டு இரண்டாம் பாகத்தை எடுக்க திட்டமிட்டார் நெல்சன்.

அதன்படி, இரண்டு நாட்களுக்கு முன் ஜெயிலர் 2 படத்தின் டீஸர் வெளியானது. இந்நிலையில், ஜெயிலர் 2 படம் குறித்து ஒரு அதிரடி அப்டேட் வெளியாகி உள்ளது.

மாஸ் அப்டேட் 

அதாவது, ஜெயிலர் 2 படத்தில் முக்கிய கதாபாத்திரத்தில் நயன்தாரா நடிக்க பேச்சுவார்த்தைகள் நடைபெற்று வருவதாக தகவல் வெளியானது.

ஆனால், தற்போது நயன்தாரா ஜெயிலர் 2 படத்தில் நடிக்க வாய்ப்புகள் மிகவும் குறைவு என்பதால் அவருக்கு பதிலாக இறுகப்பற்று படத்தின் மூலம் பிரபலமான நடிகை ஷ்ரத்தா ஸ்ரீநாத் நடிக்கவுள்ளதாக கூறப்படுகிறது. விரைவில் இது தொடர்பான அதிகாரப்பூர்வ தகவல் வெளியாகும் என எதிர்பாக்கப்படுகிறது.