‘கைதி 2’ படத்தில் இணையும் பிரபல நடிகர்

சென்னை,

இயக்குனர் லோகேஷ் கனகராஜ் இயக்கத்தில் ஆக்சன் திரில்லர் திரைப்படமாக கடந்த 2019-ல் வெளியான திரைப்படம் ‘கைதி’. இந்த படத்தை ட்ரீம் வாரியார் பிக்சர்ஸ் நிறுவனம் தயாரித்தது. நடிகர் கார்த்தி மனதில் நிற்கும்படியான ரோலில் நடிக்க கதாநாயகி, பாடல் என எதுவுமே இல்லாமல், கார்த்தியை இதற்குமுன் பார்த்திடாத ஒரு பரிணாமத்தில் காட்டிய படம் ‘கைதி’. இந்த படத்திற்கு அனிருத் இசையமைத்திருந்தார்.

நடிகர் கார்த்தி பிரேம் குமார் இயக்கிய இப்படத்தில் இணைந்து அரவிந்த் சாமியுடன் இணைந்து ‘மெய்யழகன்’ படத்தில் நடித்திருந்தார். இப்படம் மக்கள் மத்தியில் நல்ல வரவேற்பை பெற்றது. நலன் குமாரசாமி இயக்கத்தில் ‘வா வாத்தியார்’ என்ற படத்தில் நடித்துள்ளார். இப்படம் விரைவில் வெளியாக உள்ளது. அடுத்ததாக ‘சர்தார் 2, மற்றும் கைதி 2’ படத்தில் நடிக்க உள்ளார்.

இயக்குனர் லோகேஷ் கனகராஜ் ரஜினியின் ‘கூலி’ படத்தின் படப்பிடிப்பு பணிகளை முடித்த பின்னரே, கைதி 2 படத்தின் படப்பிடிப்பை தொடங்க உள்ளார். இந்த நிலையில் பிரபல நடிகரான கமல்ஹாசன் ‘கைதி 2’ படத்தில் முக்கிய கதாபாத்திரத்தில் நடிக்க உள்ளதாக தகவல் வெளியாகி உள்ளது. இதுகுறித்து கமல் ஹாசனிடம் லோகேஷ் கனகராஜ் கேட்டுள்ளார். தேதி முடிவு செய்து கொள்ளுங்கள் படப்பிடிப்பிற்கு வந்து விடுகிறேன் என்று கமல்ஹாசன் கூறியுள்ளார். இதனால் படத்தின் மீதான எதிர்பார்ப்பு அதிகமாகி உள்ளது.