வருணின் அதிரடி முடிவு, திரு, அசோக்கைத் திணறடித்த வருண்!

திருமாங்கல்யம் 

Zeeதமிழ் தொலைக்காட்சியில் திங்கள் முதல் வெள்ளி வரை இரவு 7:30 மணிக்கு ஒளிபரப்பாகி வரும் ‘திருமாங்கல்யம்’ தொடரில், அடுத்தடுத்து சுவாரஸ்யமான திருப்பங்களுடன் இன்றைய எபிசோட் நகர்கிறது.

தோட்டத்தில் யோகா செய்த வருண்… தேடிப்போன குடும்பத்தினருக்கு ஆச்சரியம்!

[

வீட்டில் வருணைக் காணவில்லை என்று குடும்பத்தினர் அவனைத் தேட ஆரம்பிக்கிறார்கள். மகா எங்கே என்று முதலில் தேடிப் பார்க்க, அவர் தன்னுடைய வேலையைச் செய்துகொண்டிருக்கிறார்.

இதற்கிடையில், வருண் எங்கே போனான் என்று அனைவரும் பேசிக்கொண்டிருக்கும்போது அங்கு வரும் பிரபாகர், எல்லோரையும் தோட்டத்திற்கு அழைத்துச் செல்கிறார்.


அங்கே வருண் எந்தப் பதற்றமும் இல்லாமல் அமைதியாக யோகா செய்துகொண்டிருக்கிறான்.

அவனைச் சுற்றி குடும்பத்தினர் அனைவரும் நிற்க, கண்களைத் திறந்து பார்க்கும் வருண், “நீங்களும் வாங்க, யோகா செய்யலாம்” என்று சாதாரணமாக அழைக்கிறான். இதைப் பார்த்த தாத்தா, “உன்னைத்தான் வீடு முழுக்கத் தேடிக்கிட்டு இருக்கோம்” என்று சொல்கிறார். இதைக் கேட்டு வருண் ஆச்சரியப்படுகிறான்.

ஊருக்குப் போகும் திட்டத்தை ரத்து செய்த வருண்… அதிர்ச்சியில் காஞ்சனா!

அப்போது காஞ்சனா, வருணிடம், “நீ எப்போ ஊருக்குக் கிளம்புற?” என்று கேட்கிறார். அதற்கு வருண், “நாங்க ஊருக்குப் போகலை. டிக்கெட்டையும் கேன்சல் பண்ணிட்டோம். தாத்தா சொன்னதால நானும் மகாவும் இன்னும் ஒரு மாசம் இங்கேயே தங்கப் போறோம்” என்று சொல்கிறான்.

இதைக் கேட்டதும் காஞ்சனா அதிர்ச்சியடைவதோடு, கோபமும் அடைகிறார். ஆனால் உடனே தலையிடும் திவ்யா, “தாராளமா இங்கேயே தங்கலாம்” என்று வருணுக்கும் மகாவுக்கும் ஆதரவாகப் பேசுகிறார்.

முதல் திருமணப் பத்திரிகை… காஞ்சனாவுக்கு மீண்டும் டென்ஷன்!

அடுத்ததாக, வருணையும் மகாவையும் குளித்துவிட்டுத் தயாராகி வரச் சொல்கிறார் திவ்யா. இருவரும் தயாராகி வந்ததும், சாமி படத்தின் முன் வைத்து திவ்யாவும் திருவும் தங்களுடைய முதல் திருமணப் பத்திரிகையை வருண் மற்றும் மகாவிடம் கொடுக்கிறார்கள்.

இதற்குக் காஞ்சனா தடை போட முயற்சி செய்கிறார். ஆனால் திவ்யாவோ, “நல்லதை நினைக்கிறவங்களுக்குக் கொடுக்கலாம்” என்று சொல்லி பத்திரிகையைக் கொடுத்துவிடுகிறார்.


அதோடு நிறுத்தாமல், “ஒரு மாசம் மட்டுமில்ல, எங்களோட கல்யாணம் முடியுற வரைக்கும் நீங்க ரெண்டு பேரும் இங்கேயேதான் இருக்கணும்” என்று அன்பாகக் கட்டளையிடுகிறார். இதனால் காஞ்சனாவின் கோபம் இன்னும் அதிகமாகிறது.

வருணைப் பற்றி விசாரிக்க வந்த அசோக்… அவனே அதிர்ச்சி கொடுத்த வருண்!

மறுபுறம், வருணின் நடவடிக்கைகளைப் பார்த்து பொறுமையிழக்கும் திரு, மகாவிடம், “இவன் ரொம்ப ஓவரா பண்றான். என்னோட ஃப்ரெண்ட் டிடெக்டிவ் அசோக் வரட்டும். இவனைப் பத்தி முழுசா விசாரிச்சுத் தெரிஞ்சுக்கலாம்” என்று சொல்கிறார்.


சிறிது நேரத்தில் டிடெக்டிவ் அசோக் வீட்டிற்கு வருகிறார். அப்போது திரு, “கீழே உட்கார்ந்திருந்தானே, அவன்தான் வருண். இவன் யார், இவனோட பின்னணி என்னன்னு கண்டுபிடிக்கணும்” என்று அசோக்கிடம் சொல்கிறார்.

அந்த நேரத்தில் அங்கு வரும் வருண், அசோக்கிடம் இயல்பாகப் பேச ஆரம்பிக்கிறான். “நீங்க திருவோட ஃப்ரெண்ட் டிடெக்டிவ் அசோக் தானே? மினோ கேஸை நீங்கதானே விசாரிச்சீங்க?” என்று கேட்கிறான்.


இதைக் கேட்டதும் திருவும் அசோக்கும் அதிர்ச்சியில் உறைந்து போகிறார்கள். அதோடு நிற்காத வருண், “நீங்க ஷெர்லாக் ஹோம்ஸ் படம்லாம் பார்த்திருப்பீங்க இல்லையா? எனக்கும் கிரைம் சீன் பார்க்கணும்னு ஆசை.

என்னையும் உங்ககூடக் கூட்டிட்டுப் போவீங்களா?” என்று கேட்டு இருவரையும் மேலும் திக்குமுக்காட வைக்கிறான்.


பிறகு, “சரி, உங்களை டிஸ்டர்ப் பண்ணிட்டேன். அப்புறம் பார்க்கலாம்” என்று சொல்லிவிட்டு அங்கிருந்து கிளம்புகிறான்.

வருணைப் பற்றி ரகசியமாக விசாரிக்க வந்த அசோக்கிற்கே அவனைப் பற்றி ஏற்கெனவே நிறைய விஷயங்கள் தெரிந்திருப்பதைப் பார்த்து திருவும் அசோக்கும் என்ன செய்வதென்று தெரியாமல் குழம்பிப் போய் நிற்கிறார்கள்.

வருணின் உண்மையான பின்னணி என்ன? அவன் ஏன் இவ்வளவு மர்மமாக நடந்துகொள்கிறான்? வருணின் அடுத்தகட்ட நடவடிக்கையால் திருவுக்கு என்னென்ன சிக்கல்கள் வரப்போகின்றன? என்பது குறித்து தெரிந்துகொள்ள ‘திருமாங்கல்யம்’ தொடரை Zee தமிழ் தொலைக்காட்சியில் பாருங்கள்!