2-வது நாளில் கடும் சரிவை சந்தித்துள்ள டாக்சிக்.. பாக்ஸ் ஆபிஸ் வசூல்

யஷ் நடிப்பில் வெளிவந்த டாக்சிக் திரைப்படத்தின் 2 நாள் வசூல் குறித்த தகவல் வெளியாகியுள்ளது.

டாக்சிக்

இயக்குநர் கீது மோகன்தாஸ் இயக்கத்தில் யஷ் நடிப்பில் உருவாகி கடந்த 26-ஆம் தேதி வெளிவந்த திரைப்படம் டாக்சிக். இப்படத்தை கே.வி.என் நிறுவனம் தயாரித்துள்ளது.

இப்படத்தில் நயன்தாரா, கியாரா அத்வானி, ஹுமா குரேஷி, ருக்மிணி வசந்த் மற்றும் தாரா சுதாரியா என பலரும் நடித்துள்ளனர். கே.ஜி.எப் திரைப்படத்திற்கு இசையமைத்துள்ள ரவி பாசூர் இப்படத்திற்கு இசையமைத்துள்ளார்.

பெரிதும் எதிர்பார்க்கப்பட்டு வெளிவந்த இப்படம் ரசிகர்கள் மத்தியில் கலவையான விமர்சனங்களை சந்தித்துள்ளது.

பாக்ஸ் ஆபிஸ்

இந்நிலையில், 2 நாட்களில் டாக்சிக் திரைப்படம் உலகளவில் செய்துள்ள வசூல் குறித்த தகவல் வெளியாகியுள்ளது. அதன்படி, 2 நாட்களில் இப்படம் உலகளவில் ரூ. 200 கோடி வசூல் செய்துள்ளது.

முதல் நாள் ரூ. 150 கோடி வசூல் செய்த நிலையில், 2-வது நாளில் ரூ. 50 கோடி மட்டுமே வசூலித்துள்ளது. இது இப்படத்திற்கு பாக்ஸ் ஆபிஸில் ஏற்பட்டுள்ள கடும் சரிவாகும்.