ஹீரோவாக இயக்குனர் ராம் கோபால் வர்மா… “ஷோமேன்” படத்தின் பர்ஸ்ட் லுக் வெளியீடு|Director Ram Gopal Varma as the hero… First look of the film “Showman” released

சென்னை,

இயக்குனர் ராம் கோபால் வர்மா, தற்போது ஹீரோவாக ஒரு படத்தில் நடிக்க இருப்பதாக தகவல் வெளியாகி இருக்கிறது. இப்படத்திற்கு “ஷோமேன்” எனப்பெயரிடப்பட்டுள்ளதாகவும் , அதில் மூத்த நடிகர் சுமன் வில்லனாக நடிப்பதாக தெரிகிறது. ரஜினிகாந்தின் ‘சிவாஜி’ படத்தில் சுமன் வில்லனாக நடித்திருந்தார் என்பது குறிப்பிடத்தக்கது

‘நுதன்’ என்பவர் இந்த படத்தின் மூலம் திரையுலகில் இயக்குனராக அறிமுகமாக உள்ளதாக தெரிகிறது. ஆர்.ஜி.வி உடன் இணைந்து ‘ஐஸ்கிரீம்-1, ஐஸ்கிரீம்-2’ போன்ற படங்களை தயாரித்த தும்மலப்பள்ளி ராமசத்யநாராயணா இந்த படத்தை தயாரிப்பதாக கூறப்படுகிறது.

வரவிருக்கும் பொங்கல் பண்டிகைக்கு படத்தின் டிரெய்லரை வெளியிட ஏற்பாடுகள் நடந்து வருவதாக தெரிகிறது. இந்நிலையில், இது முற்றிலும் பொய் என்றும் ஏஐ-யால் உருவாக்கப்பட்டது என்றும் ராம் கோபால் வர்மா தெரிவித்திருக்கிறார்.