"டியூட்" படத்தின் பாடல் அப்டேட் கொடுத்த பிரதீப் ரங்கநாதன்!
சென்னை,
தமிழ் சினிமாவில் ‘கோமாளி’ படத்தின் மூலம் இயக்குனராக அறிமுகமானவர் பிரதீப் ரங்கநாதன். இவரது நடிப்பில் சமீபத்தில் டிராகன் படம் வெளியாகி நல்லவரவேற்பை பெற்றது. அதனை தொடர்ந்து இவர், விக்னேஷ் சிவன் இயக்கத்தில் ‘லவ் இன்ஸுரன்ஸ் கம்பெனி’என்ற படத்தில் நடித்துள்ளார்.
அதனை தொடர்ந்து கீர்த்திஸ்வரன் இயக்கத்தில் ‘டியூட்’ படத்திலும் நடித்துள்ளார். மைத்ரீ மூவி மேக்கர்ஸ் தயாரிக்கும் ‘டியூட்’ படத்தில் நாயகியாக மமிதா பைஜு நடித்துள்ளார். இசையமைப்பாளர் சாய் அபயங்கர் இசையமைக்கும் இந்தப் படத்தில் சரத் குமார் முக்கிய கதாபாத்திரத்தில் நடிக்கிறார். முழுவதுமாக காமெடி கலந்த படமாக இப்படம் தீபாவளி பண்டிகையில் வெளியாக உள்ளது.
இதற்கிடையில், இப்படத்தின் முதல் பாடலான ”ஊரும் பிளட்” வெளியாகி வைரலானது.அதனை தொடர்ந்து இந்த படத்தின் 2வது பாடல் குறித்த அறிவிப்பை நடிகர் பிரதீப் ரங்கநாதன் வெளியிட்டுள்ளார். அதில், இரண்டாவது பாடல் நாளை மாலை 04.35 மணிக்கு வெளியாகும் என்று தனது சமூக வலைத்தள பக்கத்தில் அறிவித்துள்ளார்.
