வைரலாகும் அனுஷ்காவின் ''காதி'' டிரெய்லர்…ரிலீஸ் எப்போது?

சென்னை,

தமிழ், தெலுங்கில் முன்னணி நடிகையான அனுஷ்கா ஷெட்டி, தற்போது தனது ”காதி” படத்தின் மூலம் மீண்டும் பார்வையாளர்களின் இதயங்களை கவர வந்துள்ளார். இந்த படம் பாக்ஸ் ஆபீஸை கலக்கும் என்று எதிர்பார்க்கப்படுகிறது.

இந்நிலையில், வெகு நாட்களாக எதிர்பார்க்கப்பட்ட இப்படத்தின் டிரெய்லர் வெளியாகி உள்ளது. அதனுடன், நீண்ட நாட்களாக தள்ளிப்போன ரிலீஸ் தேதியும் வெளியாகி இருக்கிறது. அதன்படி, இப்படம் தமிழ், தெலுங்கு, கன்னடம், மலையாளம் மற்றும் இந்தி மொழிகளில் செப்டம்பர் 5-ம் தேதி வெளியாக உள்ளது.

‘அருந்ததி’ பேய் படத்தில் நடித்து பிரபலமானவர் அனுஷ்கா ஷெட்டி. இவரின் சினிமா வாழ்க்கையில் ‘பாகுபலி’ முக்கிய படமாக அமைந்தது. தமிழ், தெலுங்கு உள்ளிட்ட மொழிகளில் முன்னணி நடிகையாக வலம் வந்த இவரது நடிப்பில் கடைசியாக வெளியான படம் ‘மிஸ் ஷெட்டி மிஸ்டர் பொலிஷெட்டி’.

தற்போது இவர் கிரிஷ் ஜாகர்லமுடி இயக்கத்தில் தனது 50-வது படமான “காதி” படத்தில் நடித்து முடித்துள்ளார். இதில் விக்ரம் பிரபு முக்கிய கதாபாத்திரத்தில் நடித்துள்ளார். இப்படம் போதைப்பொருள் கடத்தலை மையமாக வைத்து உருவாகியுள்ளது.