விஜய் ஆண்டனியின் 'ககன மார்கன்' பர்ஸ்ட் சிங்கிள் வெளியீடு!

சென்னை,

‘ஹிட்லர்’ படத்தையடுத்து விஜய் ஆண்டனி நடித்துள்ள படம் ‘ககன மார்கன்’. இந்த படத்தை அட்டக்கத்தி, பீட்சா, இன்று நேற்று நாளை, மாயவன் உள்ளிட்ட படங்களில் எடிட்டராக பணிபுரிந்த லியோ ஜான் பால் இயக்குகிறார். இது இவர் இயக்கும் முதல் படமாகும்.

தீப்சிகா, அஜய் தீஷன், சமுத்திரக்கனி, மகாநதி சங்கர், பிரிகடா, வினோத் சாகர் உள்ளிட்ட பலர் நடித்துள்ளனர். தமிழ், தெலுங்கு, இந்தி, மலையாளம், கன்னடம் உள்ளிட்ட மொழிகளில் ‘ககன மார்கன்’ திரைப்படம் வெளியாக உள்ளது. இந்த படத்தினை விஜய் ஆண்டனி தயாரிக்கிறார் என்பது குறிப்பிடத்தக்கது.

இப்படத்தின் பர்ஸ்ட் லுக் போஸ்டர், செகண்ட் லுக் போஸ்டர் வெளியாகி வைரலானது. இந்த படத்தில் வில்லனாக நடித்து இருக்கும் அஜய் தீஷன் இப்படத்தின் மூலம் சினிமாவில் அறிமுகமாகி உள்ளார். இவர் விஜய் ஆண்டனியின் அக்காவின் மகன் என்பது குறிப்பிடத்தக்கது. அட்டக்கத்தி, இன்று நேற்று நாளை, காதலும் கடந்துபோகும் உள்ளிட்ட பல வெற்றிப் படங்களின் எடிட்டரான லியோ ஜான் பால் இயக்கும் இந்தப் படம் பான் இந்திய திரைப்படமாக உருவாகிறது

இந்த நிலையில், ககன மார்கன் படத்தின் முதல் பாடலான ‘சொல்லிடும்மா’ பாடல் தற்போது வெளியாகியுள்ளது. விஜய் ஆண்டனி இசையில் அவரே பாடி வெளியாகியுள்ள இந்தப் பாடலை லாவர்தன் எழுதியுள்ளார். ககன மார்கன் விரைவில் வெளியாகும் என்று அறிவிக்கப்பட்டுள்ளது.�