“குமாரசம்பவம்” படத்தின் ரிலீஸ் தேதி அறிவிப்பு

சென்னை,

பாண்டியன் ஸ்டோர்ஸ் சீரியலின் மூலமாக தனக்கென ஒரு ரசிகர் பட்டாளத்தை உருவாக்கியவர் குமரன் தங்கராஜன். இவர் தற்பொழுது வெள்ளி திரையில் கதாநாயகனாக ‘குமாரசம்பவம்’ படம் மூலம் அறிமுகமாகிறார். படத்தை நடிகரும் இயக்குநருமான பாலாஜி வேனு கோபால் இயக்கியுள்ளார். இப்படத்தில் குமரவேல், பாலசரவணன், ஜி.எம் குமார், வினோத் சாகர் மற்றும் லிவிங்ஸ்டன் முக்கிய கதாப்பாத்திரத்தில் நடித்துள்ளனர்.

இப்படம் ஒருபீல் குட் காமெடி திரைப்படமாக உருவாகியுள்ளது. படத்தை இசையை அச்சு ராஜமணி மேற்கொள்ள, ஒளிப்பதிவு ஜெகதீஷ் செய்துள்ளார். இப்படத்தை வீனஸ் இன்பொடெயின்மெண்ட் நிறுவனம தயாரித்துள்ளது. இதற்கு முன் இந்த நிறுவனம் யாத்திசை திரைப்படத்தை தயாரித்தது குறிப்பிடத்தக்கது. படத்தின் முதல் சிங்கிளான ‘விடியாத இரவொன்று.’ பாடல் சமீபத்தில் வெளியானது.

இந்நிலையில் ‘குமாரசம்பவம்’ படத்தின் ரிலீஸ் தேதியை படக்குழு வெளியிட்டுள்ளது. அதன்படி திரைப்படம் வரும் செப்டம்பர் 12 ம் தேதி வெளியாக இருக்கிறது. இப்படம் ஒரு பீல் குட் காமெடி திரைப்படமாக உருவாகியுள்ளது.