''கோர்ட்'பிடிக்கவில்லை என்றால், 'ஹிட் 3' பார்க்காதீர்கள்' – நானி பரபரப்பு பேச்சு

சென்னை,

தெனிந்திய சினிமாவில் முன்னணி நடிகராக வலம் வருபவர் நானி. இவர் தற்போது ஹிட் 3, ‘ தி பாரடைஸ்’ஆகிய படங்களில் நடித்து வருகிறார். இதுவரை நடிகராக மட்டும் இருந்த இவர் தற்போது தயாரிபபாளராக மாறி இருக்கிறார். அதன்படி, ‘ஹிட் 3’ மற்றும் ‘கோர்ட் – எ ஸ்டேட் வெர்சஸ் எ நோபடி’ ஆகிய படங்களை தாயாரிக்கிறார்.

இதில், ‘கோர்ட் – எ ஸ்டேட் வெர்சஸ் எ நோபடி’ படத்தின் டிரெய்லர் வெளியீட்டு விழா நேற்று நடைபெற்றது. இந்த நிகழ்வின்போது, நானி பேசியது பரபரப்பை ஏற்படுத்தி இருக்கிறது. அவர் கூறுகையில்,

“நான் இதுவரை உங்களிடம் என்னுடைய படத்தை பார்க்கும்படி கேட்டதில்லை. ஆனால் முதன்முறையாக உங்கள் அனைவரையும் ‘கோர்ட் – எ ஸ்டேட் வெர்சஸ் எ நோபடி’ படத்தைப் பார்க்குமாறு கேட்டுக்கொள்கிறேன். உங்களுக்கு கோர்ட் பிடிக்கவில்லை என்றால், ஹிட் 3 படத்தைப் பார்க்காதீர்கள்,” என்றார்.